Suhas Phanse's Creations

व्हॅलेंटाइन डे

2012-02-10T04:17:00.000-08:00

व्हॅलेंटाइन डे साठी माझ्या काही गीतांच्या व्हिडिओ लिंक्स मी खाली देत आहे. या व्हिडिओद्वारे चाल समजून घ्या व गाणी गाउन धमाल उडवा.

व्हॅलेंटाइन डेसाठी शुभेच्छा!!
माझा जिव गुंतला

माझ्या मनात बसली छवी

माझ्यात काय आहे

प्रेम आहे जादुगार

स्वप्नात स्वप्नवत हास्य मधुर

तू माझ्या ह्रुदयी गे

ह्रुदयाच्या मंदिरात

चित्तात तू ह्रुदयात तू

तूं माझ्या हृदयी गे

2012-02-04T07:06:00.000-08:00

मराठी प्रेम गीत.
व्हिडिओ फक्त चाल समजण्यासाठी पहा. गाणं आपल्याला गायचं आहे.

पतंगोत्सव

2012-01-06T23:21:00.000-08:00

संक्रांत म्हणजे फक्त तिळ-गूळ नव्हे! पतंगोत्सवाचीही आठवण ठेवा. कौटुंबिक पतंग पिकनिकची कल्पना कशी वाटते?
या निमित्ताने माझ्या एका गीताची आठ्वण करून देत आहे.
पतंग उडवू पतंग (व्हिडिओ )

http://in.youtube.com/watch?v=UrVS4zgMhGQ
पतंग उडवू पतंग गड्यांनो

पतंग ऊडवू सवंगड्यांनो पतंग उडवू पतंग
पतंग उडवू उंच गड्यांनो पतंग उडवू पतंग ॥धृ॥

रंग बिरंगी पोशाखामधी अस्मानी संचरू
पुच्छ लावुनी दूर आकाशी भरत नाट्य चल करू ॥१॥

रथ आकाशी असे सारथी खाली भूमीवरी
पतंग पळते पदाविनाही सुसाट वाऱ्यापरी ॥२॥
’रथ आकाशात पण सारथी मात्र भूमीवरी, पाय नाहीत पण वाऱ्यासारखे पळते’ म्हणजे कोण? या कोड्याचे चे उत्तर ’पतंग’ असे आहे. या कोड्याचा दुसऱ्या कडव्यात केलेला उपयोग आपल्या लक्षात आलाच असेल.

हवाई सलामी: मराठी कथा

2012-01-05T00:13:00.000-08:00

हवाई सलामी

सुंईईईईई..! विमानाचे डावे इंजिन सुरु झाले होते. इंजिनाच्या दर्शनी भागातून धूर निघाला. तेथे असलेले काडतूस फुटले. काडतूसातील रसायनांनी खूप धूर सोडला. अति दाबाच्या धुराने रोटरची पाती फिरू लागली. ती पातीच आवाज करीत इंजिन सुरु झाल्याची ग्वाही देत होती. इंजिनात इंधनाने पेट घेतला व पाती फिरण्याचा वेग वाधू लागला. सुंईईईईई आवाजाची तीव्रता वाढून कानठळ्या बसण्याइतपत कर्कश आवाज इंजिनातून येऊ लागला.

डावे इंजिन ठिकठाक चालू झाल्याची खात्री करून विंग कमांडर अशोक यांनी उजवे इंजिन सुरू केले व विमानाची उपकरणे तपासायला सुरुवात केली. तेवढ्यात डावीकडे थोड्या अंतरावर असलेल्या विमानाचे प्रथम डावे व नंतर लगेच उजवे इंजिन सुरु झाले. त्यानंतर एकापाठोपाठ अठरा विमानांची इंजिने सुरु झाली. पंधरा मिनिटात सुरु झालेल्या चाळीस इंजिनांच्या आवाजाने विमानतळ दुमदुमून गेले.

२६ जानेवारीला प्रजासत्तक दिनानिमित्त राष्ट्रपतींना हवाई-सलामी देण्यासाठी विमानांचा ताफा जणू ’चलो दिल्ली’ चा नाराच लावत होता. या सलामीसाठी सोळा विमाने भाग घेणार होती. चार विमाने अतिरिक्त होती. जरूर पडली तरच ही विमाने सलामी ताफ्यातील विमानांची जागा घेणार होती. चार विमानांच्या शंकरपाळाकृती रचनेत, म्हणजे बॉक्स फ़ॉर्मेशनमध्ये, विमाने सलामी देणार होती. विंग कमांडर अशोक पहिल्या रचनेचे आणि ओघानेच पूर्ण ताफ्याचे नेतृत्व करणार होते.

२६ जानेवारीला राजपथवर होणाऱ्या हवाई-सलामीची ही गोष्ट आहे. त्यात भाग घेणाऱ्या वायु-सैनिकाचा चित्तथरारक अनुभव जाणून घेण्यासाठी http://www.keepandshare.com/doc/3034114/hawaaee-salaamee-marathi-balkatha-52k?da=y या लिंकवर जा. ही कथा सर्व थरातील, सर्व वयोगटातील वाचकांसाठी आहे. या कथेची लिंक आपल्या आप्त-स्वकीयांना पाठवायला विसरू नका.

नववर्ष गीत

2011-12-24T04:17:00.000-08:00

नववर्ष गीत

(या गीताच्या चालीसाठी शीर्षकावर क्लिक करा.)

नवे वर्ष हे दौडत आणिल आकांक्षाचे घोडे

उत्साहाने चला जाउ या टाकुन पाउल पुढे

चला हो जाऊ आपण पुढे

चला हो टाकू पाउल पुढे ॥ धृ॥

शांत समाधानी आनंदी असेल हे नव वर्ष

मेहेनतीची साथ देऊ या यशास होईल स्पर्ष ॥१॥

भूतकाळच्या आठवणींना घेउन येई उजाळा

उजळुन टाकू आयुष्याला लावुनी अर्थ निराळा ॥२॥

सन्माननीय माघार कॉलेज कथा

2011-12-11T08:49:00.000-08:00

सन्माननीय माघार

              एक कॉलेज होतं. त्यात एक मुलगी होती. कथेतली मुलगी, आणि तीही नायिका, सुंदरच असायला पाहिजे, नाहीका! माधुरी दिक्षित सारखी होती म्हणू की सिन्डि क्रॉफ़र्ड सारखी? कल्पनाच करायची तर स्वप्नातल्या अप्सरांची का करू नये? तुम्हीही माझ्याशी सहमत झालात ना! पण तरीही मी तसे काही एक करणार नाहीये.

            ही मुलगी फक्त सुंदर होती. ती गोरी होती का काळी: उंच होती का ठेंगणी? चॉकोलेट/आइसक्रीम खाणारी होती का डाएट कोक पिणारी होती? ती साडी/सलवार-कमीज/जीन्स यापैकी काय घालत असे?, हे पण मी सांगणार नाहीये.

         शेक्सपिअरच्यामते सौंदर्य हे पाहणाऱ्याच्या दृष्टीत असते. ती मुलगी कॉलेजच्या दृष्टीने सुंदर होती, हे महत्वाचे आहे. तुमच्या दृष्टीने सुंदर मुलगी डोळ्यापुढे आणा. स्वत:ची छबी डोळ्यापुढे आणली तरी चालेल. या पैकी एक करणे जरूरी आहे. कारण ते ही कथा वाचण्याच्या दृष्टीने पूरक ठरणार आहे.

       ’सन्माननीय माघार’ या माझ्या कथेची ही सुरुवात आहे. ही कथा वाचण्यासाठी या संकेत स्थळी जा. कथा आवडल्यावर मित्र-मंडळींना ही लिंक पाठवायला विसरू नका.
http://www.keepandshare.com/doc/3254673/sanmaananeeya-maaghaar-pdf-november-8-2011-11-46-am-66k?da=y

चला क्रांती घडवू या

2011-12-05T00:42:00.000-08:00

चला क्रांती घडवू या

खपतील जीव ओतुनी धरतीत पेरुनी प्राण ।

मातीत घाम मिसळोनी मातीत पिकविती स्वर्ण ॥

चला कृषि क्रांती घडवू या, चला कृषि क्रांती घडवू या ॥१॥

कौशल्य जिद्द जोडुनी गुणवत्तेस वाढवू या ।

आलस्य स्वार्थ त्यागुनी उत्पन्न वाढवू या ॥

उद्योग क्रांती घडवू या, उद्योग क्रांती घडवू या ॥२॥

श्रीमंत सेठ उद्योगी सत्कर्मी राबवती लक्ष्मी ।

कायद्यात राहुनी प्रगतीची शिडी अभिमानी ॥

आर्थिक क्रांती घडवू या, आर्थिक क्रांती घडवू या ॥३॥

तळहाती शिर घेऊनी करतील रिपुवध रणभूमी ।

बाजी जिवाची लावूनी लढतील सैनिक सरहद्दी ॥

चला स्वातंत्र्य जपुनी ठेवू या, चला स्वातंत्र्य जपुनी ठेवू या ॥४॥

हंसा मुलांनो हंसा

2011-11-07T19:35:00.000-08:00

येणाऱ्या बालदिवसाच्या निमित्ताने मी हे बालगीत अपलोड करीत आहे. हंसण्याचं महत्व सांगणारं हे गीत स्टेजवरही सादर करता येते. गाण्याची चाल समजावी म्हणून व्हिडिओरूपात हे गीत सादर करीत आहे. या गीताची यु आर एल आपल्या कडील कच्च्याबच्च्यांना बालदिवसाची किंवा जन्मदिवसाची भेट म्हणून पाठ्वा.

माझ्यात काय आहे?

2011-10-23T01:28:00.000-07:00

माझ्यात काय आहे?

मराठी द्वंद्वगीत

माझ्या आवाजात आपण हे गीत ऐकावे म्हणून हा व्हिडिओ अपलोड केलेला नाही. माझा आवाज फ़क्त चाल समजण्यापूरता! चाल समजली की, मनातल्या मनात का होईना, गायला लागा.

दवबिंदूनी भिजली पाने

2011-10-23T01:05:00.000-07:00

दवबिंदुंनी भिजली पाने

दवबिंदुंनी भिजली पाने घेऊनी पहाट आली

हरित सृष्टी रविराजाच्या स्तवनास्तव झुकली॥धृ॥

शांत निरामय वेळ असते पहाट अनुभवण्याची

श्वासातुन अंतरात घ्या उर्जा दिवसभराची

मार्ग आक्रमा घेऊनी हाती स्वास्थ्याची ही किल्ली ॥१॥

स्फ़ुर्तीचा हा स्रोत करितसे पूर्ती ध्येयाची

मिळे अनुदिनी ग्वाही यशाची घेऊनी भेट उषेची

भास्कर भेटीसाठी तत्पर उषा नभावर आली ॥२॥

गजानना विनविण्या लवूनी नमस्कार करते

2011-08-29T23:40:00.000-07:00

गजानना विनविण्या लवूनी नमस्कार करिती

गजानना विनविण्या लवूनी नमस्कार करिती ॥धॄ॥

कॄपासिंधू तू, तिमिर दूर कर, दीपपुंज पणती ।
अनाथ बंधू, भरभराट कर, आण सुफल भरती ॥
लवूनी नमस्कार करिती
गजानना विनविण्या लवूनी नमस्कार करिती ॥१॥

दु:खनिवारक तू गजवदना, आण हास्य ओठी ।
सुखदायक तू मंगलमूर्ती, स्वर्ग आण धरती ॥
लवूनी नमस्कार करिती
गजानना विनविण्या लवूनी नमस्कार करिती ॥२॥

कार्यारंभी पूजन करिती, लावून पणास भक्ती ।
मनगट बळकट करणारी ही, कामपूर्तीची शक्ती ॥
लवूनी नमस्कार करिती
गजानना विनविण्या लवूनी नमस्कार करिती ॥३॥

चाल समजण्यासाठी व्हिडिओ ऐका

मराठी भक्तिसंगित, भजन, गणेश वंदना

मराठी फक्त बोलीभाषा?

2011-08-14T09:58:00.000-07:00

सिंगापूरमधल्या मराठी साहित्य सम्मेलनाच्या निमित्ताने हे लेखन करीत आहे. आपण आपल्या वैयक्तिक जीवनात मराठीचा वापर, नुसता बोलून नाही तर लिहूनही केला नाही तर काही काळाने मराठी एक फक्त बोलीभाषा होईल. प्रोफेशनल जीवनात इंग्रजीचा उपयोग अपरिहार्य आहे पण वैयक्तिक दैनंदिन जीवनात लिहिण्यासाठीही आपण मराठीचा वापर करू शकतो. त्यासाठी फक्त ईच्छाशक्तीची आवश्यकता आहे. सध्या बहुतेक सर्वजण कम्प्युटरवर देवनागरीत लिहू शकत नाही. त्यासाठी रोमन लिपीचा वापर केला जातो. त्यासाठी थोडी चौकशी करा. देवनागरीत कम्प्युटरवर लिहिणे खूप सोपे आहे. गूगल ट्रांसलिटरेशन टूल वापरून पहा.
आणि हो! शुद्ध मराठीचा प्रयोग केला पाहिजे असे नाही. देवनागरीत लिहिण्याचे शिकणे महत्वाचे!

संगित प्राणिजगत

2011-08-11T06:57:00.000-07:00

संगित झू मध्ये कधी गेला आहात का? नाही ना! मग क्लिक करा व्हिडिओवर . फक्षी, हिंस्र पशू, पाळलेले प्राणी, विदेशी प्राणी

जेव्हां शिरली डोक्यात एक युरेका

2011-08-11T06:44:00.000-07:00

विज्ञान व विनोदाचा सुरेख संगम ऐकण्यासाठी यावर क्लिक करा.

सारे जहांमे भारत खुशहाल देश हो!

2011-08-11T06:35:00.000-07:00

Patriotic song of India. राष्टीय भजन.

माझी कथा 'असं खरंच घडले असेल का?'

2011-08-04T11:14:00.000-07:00

'असं खरंच घडले असेल का?' ही माझी कथा वाचण्यासासाठी http://www.keepandshare.com/doc/3034108/asa-kharach-ghadale-asel-kaa-marathi-laghukatha-63k?da=y या लिंकवर क्लिक करा व गोष्ट वाचायला लागा किंवा save करून ठेवा.

माझ्या मराठी कथा

2011-08-04T10:56:00.000-07:00

मी माझ्या मराठी कथा पी डी एफ मध्ये इंटरनेटवर अपलोड केलेल्या आहेत. 'एथनिक वर् हाडी हॅालिडे' या कथेसाठी

http://www.keepandshare.com/doc/3034107/warhaadee-ethnic-holiday-marathi-laghukatha-70k?da=y या लिंकवर क्लिक करा आणि सरळ वाचायला लागा.

ह्रुदयाच्या मंदिरात

2011-06-19T03:32:00.000-07:00

या व्हिडिओमध्ये मी रचलेल्या गीताला गाण्याची चाल सुचविली आहे. पहा तुम्हाला आवडते का! तुम्ही निराळी चाल लावल्व्व तर मला जास्तच आनंद होईल.

Chanchal Man Utaavil Marathi Song

2011-05-06T22:42:00.000-07:00

My voiceover in the video is meant to suggest the tune in which to sing the song. After understanding the tune, sing in your voice to get maximum enjoyment.

माझ्या मनात बसली छवी

2011-03-03T03:19:00.000-08:00

मराठी प्रेमगीत

आपल्याला गीत गायचे आहे.

व्हिडिओमध्ये मी फक्त चाल सुचवित आहे.

स्वत: गाण्यात मजा काही औरच असते.

मराठी गीत त्या इंद्रधनुष्यावरुनी उतरुनी अवतरली

2011-02-12T09:46:00.000-08:00

त्या इंद्रधनुष्यावरुनी उतरुनी अवतरली

स्वप्नात स्वप्नवत हास्य मधुर ओठात हळुच फुलणारे

पाहुनी रूप रमणीय खूप हॄदयात खोल रुजणारे

त्या इंद्रधनुष्यावरुनी उतरुनी अवतरली मदनिका

स्वर्गाची तारका,

कोण ती?

रंभा की मेनका? ॥ धॄ॥

गाण्याच्या चालीसाठी व्हिडिओ पहा

मोहक पदलालित्य तिचे, पॄथ्वीतलावर थिरकले

                                                 पदबद्ध तिचे पायल ते, अवकाशी रुणझुणले
                                                 मॄदंग, ढोलक ताल लयाने बहरुन गेली सॄष्टी
                                                     नॄत्याविष्काराने केली नटराजाने वॄष्टी

त्या इंद्रधनुष्यावरुनी उतरुनी अवतरली मदनिका

स्वर्गाची तारका, कोण ती? रंभा की मेनका? ॥ १ ॥

मंजुळ कंठरव तो, धुंद करतो सॄष्टीला

देवलोकीचे संगीत ते पुलकित करते सॄष्टीला

गंधर्वांनी छेडुन सरगम उठल्या संगित लहरी

स्वरतालाने बांधुन झाल्या रागांच्या सुरसरी

त्या इंद्रधनुष्यावरुनी उतरुनी अवतरली मदनिका

स्वर्गाची तारका, कोण ती? रंभा की मेनका? ॥२॥

माझा जीव गुंतला

2011-02-10T08:14:00.000-08:00

माझा जीव गुंतला

(या गीताला चाल लावून गायचा प्रयत्न करा)

मला काही सांगायचंय

कसं सांगू, सांगा कुणी

माझा जीव गुंतला, माझा जीव गुंतला

नऊवारी साडीतली शेलाटी काया तिची

पाहुनी जिव गुंतला, पाहुनी जिव गुंतला

खरंच जीव गुंतला, खरंच जीव गुंतला ॥धृ॥

मुसमुसले तारुण्य डोळ्यापुढती येता

राहु कसा, सांगा पाहु, पाझर नाही फ़ुटता

मदनाच्या बागेतली फ़ुललेली ती कळी

पाहुनी जिव गुंतला, पाहुनी जिव गुंतला

खरंच जीव गुंतला, खरंच जीव गुंतला ॥१॥

केसांचा अंबाडा मानेवरती रुळतो

गजरा कसा अंबाडी बहर आणुनी खुलतो

केसांच्या झुल्फ़ातली बट एक ती गालावरी

पाहुनी जिव गुंतला, पाहुनी जिव गुंतला

खरंच जीव गुंतला, खरंच जीव गुंतला ॥२॥

त्या इंद्रधनुष्यावरुनी उतरुनी अवतरली मदनिका

2011-02-10T08:10:00.000-08:00

त्या इंद्रधनुष्यावरुनी उतरुनी अवतरली

(या गीताला चाल लावून गायचा प्रयत्न करा.)

स्वप्नात स्वप्नवत हास्य मधुर ओठात हळुच फुलणारे

पाहुनी रूप रमणीय खूप हॄदयात खोल रुजणारे

त्या इंद्रधनुष्यावरुनी उतरुनी अवतरली मदनिका

स्वर्गाची तारका, कोण ती? रंभा की मेनका? ॥ धॄ॥

मोहक पदलालित्य तिचे, पॄथ्वीतलावर थिरकले

पदबद्ध तिचे पायल ते, अवकाशी रुणझुणले

मॄदंग, ढोलक ताल लयाने बहरुन गेली सॄष्टी

नॄत्याविष्काराने केली नटराजाने वॄष्टी

त्या इंद्रधनुष्यावरुनी उतरुनी अवतरली मदनिका

स्वर्गाची तारका, कोण ती? रंभा की मेनका? ॥ १ ॥

मंजुळ कंठरव तो, धुंद करतो सॄष्टीला

देवलोकीचे संगीत ते पुलकित करते सॄष्टीला

गंधर्वांनी छेडुन सरगम उठल्या संगित लहरी

स्वरतालाने बांधुन झाल्या रागांच्या सुरसरी

त्या इंद्रधनुष्यावरुनी उतरुनी अवतरली मदनिका

स्वर्गाची तारका, कोण ती? रंभा की मेनका? ॥२॥

+++++++++

मराठी प्रेमगीत: प्रेम आहे जादुगार .

2011-02-10T06:25:00.000-08:00

प्रेम आहे जादुगार
मराठी प्रेमगीत.

प्रेम आहे जादुगार, प्रेम आहे जादुगार
एका क्षणामधी तूं अचानक
केली कशी किमया,
माझ्यावरी लिलया ॥धृ॥

पाहिले तुला मी पहिल्या प्रथम
परिणामी हृदयी वाजे पडघम
पडला मला
देहभान विसर तिला
मी इथे अन
मन माझे दूर फ़ार ॥१॥

देतेय तूं मजला तूं आभास, आहे जणू तूं जवळपास
बिलगुनी, विळखा घालुन मला,
जाईल वारं दूर फ़ार ॥२॥

या गीताला चाल लावायचा प्रयत्न करा आणि गा. कोणालातरी उद्देशून! मी दिलेली चाल ऐकण्यासाठी हा व्हिडिओ पहा.

Marathi Bhajan प्रगतशील भारत स्वप्न सत्य होऊ दे

2011-01-24T19:25:00.000-08:00

’मंगलमय नाम तुझे सतत गाऊ दे’ या राष्ट्रसंत तुकडोजी महाराजांच्या भजनाच्या चालीवर खालील राष्ट्रीय भजन गाता येईल.
प्रगतशील भारत स्वप्न सत्य होऊ दे

प्रगतशील भारत स्वप्न सत्य होऊ दे ॥धृ॥

युवकांच्या शक्तीतुनी, सृजनांचा युक्तीतुनी ।
जिद्दीच्या वृत्तीतुनी, ध्येय गाठू दे ॥१॥

अनुशासन रक्तातुनी, हिम्मत बलदंडातुनी ।
चैतन्या श्वासातुनी, सतत वाहू दे ॥२॥

सामाजिक भान आणि, बंधुभाव मनी रुजवुनी ।
सत्त्याची कास धरुनी, स्थैर्य येऊ दे ॥३॥

मराठी कथा वऱ्हाडी एथ्निक हॉलिडे

2011-01-08T01:24:00.000-08:00

मराठी कथा वऱ्हाडी एथ्निक हॉलिडे

आपल्याला आता माझ्या मराठी कथाही वाचता येतील. या कथा मी पी डी एफ फॉर्मेट मध्ये अपलोड केल्या आहेत ’वऱ्हाडी एथ्निक हॉलिडे’ ही कथा वाचण्यासाठी http://www.keepandshare.com/doc/2500620/marathi-katha-warhadi-ethnic-holiday-70k?da=y या ठिकाणी क्लिक करा; गोष्ट वाचा आणि त्यानंतर आपले मत नोंदवायला लाजू नका. कथा आवडली तर ही यु आर एल आपल्या आप्त-स्वकियांना ई-मेल अथवा ट्विट्टर/फ़ेसबुक द्वारे पाठवा.

’माझं एक स्वप्न आहे

2010-12-29T21:35:00.000-08:00

’माझं एक स्वप्न आहे’ मराठी किशोरवयीन मुला-मुलींनी नववर्षाचा संकल्प म्हणून गाण्यासाठी स्फुर्तीदायक गाणे. हे गाणे स्टेजवरही ’परफ़ॉर्म’ करता येईल. नुसते गाऊन किंवा नाचत-गातसुद्धा. बच्चाकंपनीला भेट म्हणूनसुद्धा आपण हे गाणे पाठवू शकता.

नववर्ष गीत

2010-12-24T09:04:00.000-08:00

नववर्ष गीत

(या गीताच्या चालीसाठी शीर्षकावर क्लिक करा.)

नवे वर्ष हे दौडत आणिल आकांक्षाचे घोडे

उत्साहाने चला जाउ या टाकुन पाउल पुढे

चला हो जाऊ आपण पुढे, चला हो टाकू पाउल पुढे ॥ धृ॥

शांत समाधानी आनंदी असेल हे नव वर्ष

मेहेनतीची साथ देऊ या यशास होईल स्पर्ष ॥१॥

भूतकाळच्या आठवणींना घेउन येई उजाळा

उजळुन टाकू आयुष्याला लावुनी अर्थ निराळा ॥२॥

वांग नको गं आई

2010-12-12T22:57:00.000-08:00

आपल्या मुलांची प्रकृती सुदृढ रहावी म्हणून सर्वच पालक आपल्या परीने त्यांना सकस आहार देण्याचा प्रयत्न करतात. पण मुलांच्या आवडी-निवडी खूप असतात. आवडत्यांपेक्षा नावडत्या पदार्थांची यादी मोठी असते. शेवटी मुलेच ती! आहार प्रत्यक्ष पोटात जावा म्हणून आईवडिलांना, विशेषत: आईला, अथाक प्रयत्न करावे लागतात. अशाच परिस्थितीतील एका कुटुंबामधल्या मुलांचा आईबरोबर झालेला संवाद गीतरूपात ’वांग नको गं आई’ या गीतात आपल्याला मिळेल. या गीताची चाल ’वांग नको गं आई’ या व्हिडिओमध्ये ऐकायला मिळेल व त्याचे बोल खालीलप्रमाणे आहेत:
वांगं नको गं आई

वांग नको गं आई

या गीताची चाल http://www.youtube.com/watch?v=aPGanNiMomk

मुलगा/ वांगं नको गं आई, मला वांगं नको गं आई ।

मुलगी कारलं कडू न खाई, मी कारलं कडू न खाई ॥धृ॥

आई भाज्या खाऊन मोट्ठा होशील । तू मावळा शिवबाचा होशील

मुलगा/ जर लोणच्याने माझे भागते । तर भाज्यांची नावं का सांगते?

मुलगी तूप साखर पोळी मला चालते । तर पाठीमागे का तू लागते?

आई होस्टेल राहण्याची वेळ जेव्हां येते । तेव्हां आईची शिकवण तारते ।

मुलगा/ ती गवार तुरट खारी । दुध्या लागतो पांचट भारी ।

मुलगी नुस्ता बटाटा खाऊन राहीन । कधी मधी फ़्लॉवर मी खाईन ।

मेथीची शाही भाजी । थोडा खाण्यास होईन राजी।

आई साऱ्या भाज्या जर तू खाशील । साऱ्या ठिकाणी बाजी तूं मारशील ।

हिरव्या भाज्यांचे लोखंड शोषशील । खूप दूरचे डोळ्याने पाहशील ।

बाजी मारून राव तूं होशील । लोखंडी चणे तूं चावशील ।

मुलगा/ भाज्यांची मोट्ठी स्वारी । झाली माझ्यावरती भारी ।

मुलगी आवडी निवडीचा बाऊ घरी । नाही करायचा कुठे तरी ।

भाज्या खाईन गं मी आई । तुझं ऐकणार कसं मी नाही ।

आईबाबा सिनेमा पहायाला गेले

2010-11-24T23:27:00.000-08:00

आईबाबा सिनेमा पहायाला गेले
मराठी बालगीत. याचे शेवटचे कडवे जरूर ऐका. हे गाणे लहान मुले स्टेजवर नाचत परफ़ॉर्म करू शकतात. या गीताचा यू आर एल तुमच्या लहान मित्रांना पाठवायला विसरू नका. हो! हे गाणे वाढदिवसाच्या शुभेच्छा म्हणूनही तुम्ही पाठवू शकता. हा यू आर एल कॉपी करून जतन करून ठेवा.
जय हो!

बालदिवसाची भेट

2010-11-10T23:37:00.000-08:00

बालगोपालांसाठी बालदिवसाची भेट म्हणून सादर करित आहे मी रचलेले एक बालगीत ’गणिताचा गुरुमंत्र’ ज्याचे ध्रुपद आहे:

मारू नका हो गुरुजी छडी ती हातावर माझ्या

प्रयत्न करुनही नाही गेले गणित डोकिया माझ्या.

Click

http://www.youtube.com/watch?v=eqAc47lwUmM

असते मला विहंगासम पंख विहरण्याचे Asate Malaa Vihangaasam Pankh

2010-11-08T02:45:00.000-08:00

xÉÑWûÉxÉ TühÉxÉå rÉÉÇcÉÏ aÉÏiÉå ÎuWûÌQûAÉå ÄTüÊqÉäïOûqÉkrÉå xÉÉSU MåüsÉÏ eÉÉiÉÉiÉ. AÉmÉsrÉÉsÉÉ aÉÏiÉå aÉÉiÉÉ rÉÉuÉÏiÉ qWûhÉÔlÉ irÉÉÇcrÉÉ xuÉiÉ:crÉÉ AÉuÉÉeÉÉiÉ cÉÉsÉ xÉÑcÉÌuÉsÉÏ eÉÉiÉå. aÉÉhÉÇ iÉÑqWûÏ, qÉlÉÉiÉsrÉÉ qÉlÉÉiÉ MüÉ WûÉåDlÉÉ xuÉiÉ: aÉÉuÉå, AzÉÏ AmÉå¤ÉÉ AÉWåû.

Diwali Crackers दिवाळी फटाके

2010-10-30T01:11:00.000-07:00

रवा बेसन आणि बुंदीचा लाडू

चला आपण सारे खूप फटाके फोडू

काय मंडळी, आतिषबाजीची तयारी केली की नाही!

फटफटणाऱ्या फटाक्यांच्या ऐवजी लखलखणारे फटाके वापरणार आहात नं! पण धमाक्यांशिवय दिवाळीची मजा नाही, असं बच्चापार्टी म्हणणार त्याचं काय?

पर्यावरण की पारंपारिक दिवाळीचा आनंद?

पाहू पालडं कोणीकडे झुकतं ते!

My diwali song is at

http://www.youtube.com/watch?v=atrQoBsuFTs

Enloy it by singing it yourself.
On this site there are many choices for lover of Marathi kavita/song/poetry/poem. Spend some time to look up.

Diwali Faral दिवाळी फराळ

2010-10-25T02:47:00.000-07:00

करंजी लाडु आणि अनऽऽरसाऽऽ

दिवाळीची गोडी पसऽऽरवाऽऽ

This site has a long and varied Menu of diwali Faraal viz. Premgeete, Virahgeete, Bhajan, Bhaktigeete, Bhavgeete, Balgeete, Kishorgeete, Kumargeete, Shrungargeete, Badbadgeete, Deshbhaktigeete, Vivahgeete, Managalashtak, nisargageete, GondhaL, Jogava.
Spend some time here for a diwali feast.

Marathi Song Diwali Celebrations दिवाळी दिपावली

2010-10-21T02:28:00.000-07:00

Diwalee is approaching. Get into the festval mood by singing my Diwali song along with me while watching this video.

http://www.youtube.com/watch?v=atrQoBsuFTs

आठवणींनो का येता पुन:पुन्हा भेटायाला

2010-10-11T05:50:00.000-07:00

'आठवणींनो का येता पुन:पुन्हा भेटायाला' हे विरह गीत आहे.

आनंददायी आहे हे आसमंत सारे

2010-09-13T04:50:00.000-07:00

सुहास फणसे यांची गीते व्हिडिओ फ़ॉर्मॅटमध्ये सादर केली जातात. आपल्याला गीते गाता यावीत म्हणून त्यांच्या स्वत:च्या आवाजात चाल सुचविली जाते. गाणं तुम्ही, मनातल्या मनात का होईना स्वत: गावे, अशी अपेक्षा आहे.

भक्तगणांनो नीट समजा माझा अवतार

2010-08-17T23:41:00.000-07:00

गणेश गीत, गणेश वंदना, भजन,

सारे जहांमें भारत खुशहाल देश हो

2010-08-10T09:25:00.000-07:00

हिंदी गीत

सोडुनिया जाईन मी मराठी द्वंद्वगीत

2010-07-22T03:36:00.000-07:00

मराठी द्वंद्वगीत

हे गीत तुम्हाला गायचे आहे.

बांधा फेटा फक्कड तुम्ही मस्तकी

2010-06-30T03:14:00.000-07:00

काय मंडळी, फेटा बांधता येतो की नाही? खूप सोपे आहे. तुमच्या आवडीच्या रंगाचे साडे पाच मिटर कापड घ्या. पैसे वाचवायचे असले तर घरातली जुनी साडी घ्या. युट्युबवर फेटा बांधण्याची विडिओ शोधा. आणि हे गाणे म्हणत फेटा बांधायला शिका.

मला आनंद झालाय फार

2010-06-03T02:43:00.000-07:00

मराठी गीत

सांग ना गं आजी मला गोष्ट एक छान

2010-05-17T09:33:00.000-07:00

मराठी बडबडगीत बालगीत

ना चन्द्र नाही तारे. भावगीत

2010-04-28T07:40:00.000-07:00

कळलेऽऽच नाही मजला

2010-04-08T01:30:00.000-07:00

कळलेऽऽच नाही मजला

मराठी भावगीत

कवडसा

2010-03-24T07:35:00.000-07:00

विरह गीत

हे गीत स्वत: गा व खरा आनंद मिळवा.

गुंडूरावाची टोपी

2010-02-28T00:04:00.000-08:00

गुंडूरावाची टोपी ही एक पारंपारिक बालकथा आहे. मी तिला संगितमय करून येथे प्रस्तुत करीत आहे. बालनाट्य म्हणून लहान मुलांकडून याचे सादरिकरण सुट्टीमधलं एक आव्हान ठरू शकते.

प्रीत माझी....कर्म माझे

2010-02-09T02:30:00.000-08:00

प्रीत माझी....कर्म माझे
(चालीसाठी येथे क्लिक करा.)

प्रेम माझे बहुरूपी मी ऒळखू त्याला कसे?
नाणी कशी वेगळी करावी कळते खजिनदाराला कसे?

प्रीत माझी सप्तरंगी , उजळून टाकी आसमंता
कर्म माझे आंधळे, मी दीपवू त्याला कसे ?

प्रीत माझी सप्तसूरी, नीनादते या आसमंता
कर्म माझे ठार बहिरे, मी ऐकवू त्याला कसे ?

प्रीत माझी अष्टगंधी, दरवळे या आसमंता
कर्म निश्वासी असे, मी माखवू त्याला कसे ?

प्रीत माझी मखमली ती, कुरवाळते या आसमंता
कर्म माझे कंटकाचे, मी कुरवाळू त्याला कसे ?

प्रीत माझी दानशील, सर्व लुटते आसमंता
कर्म माझे कृपण आहे, मी देण्यास सांगू त्याला कसे ?

प्रीत माझी भावदर्शी, भारते या आसमंता
कर्म माझे स्थितप्रज्ञ, मी भारवू त्याला कसे ?

प्रीत माझी क्रियाशील, हलवून टाकी आसमंता
कर्म माझे क्रियाहीन, मी काम त्याला सांगू कसे ??

ते रौद्र रूप इंद्राचे

2009-12-06T07:48:00.000-08:00

ते रौद्र रूप इंद्राचे
ते मेघांचे गडगडणे, कडकडणे विजांचे
तो सुसाट वादळ वारा, ते रौद्र रूप इंद्राचे ॥धृ॥

आकाशी कृष्णाभ्रांचे, भेसूर भीषण हंसणे
कोसळती मुसळधारा ते आकाशाचे फुटणे
चिंब चिंब धरतीचे जिव मुठीत घेऊन बसणे ॥१॥

डोंगरशिखरावरुनी पाण्याचे लोंढे निघुनी
तुडवित दगड धोंड्यांना थैमान पूर मैदानी
घरदार शेती वाडी साऱ्यांचे वाहुन जाणे ॥२॥

स्वप्नात स्वप्नवत हास्य मधुर

2009-11-26T07:28:00.000-08:00

’त्या इंद्रधनुष्यावरुनी उतरुनी’ हेच गीत या नव्या शीर्षकाखाली नव्या चालीत मी सादर करीत आहे.
या गाण्याच्या चालीसाठी य़ेथे क्लिक करा.

काऊच्या लाडूची गोष्ट अंगाई गीत

2009-11-20T02:14:00.000-08:00

मी या अंगाई गीतामध्ये काऊ-चिऊची पारंपारिक गोष्ट गुंफली आहे. बारशाला भेट म्हणून देण्यालायक हे अंगाई गीत आहे. मुलं एक-दोन कडव्यांच्या अंगाई गीताने झोपी थोडेचं जातात. तब्बल आठ कडवी आहेत. पण धीर सोडू नका. पूर्ण गीत म्हणाल तरच मजा येईल. या गाण्याच्या चालीसाठी य़ेथे क्लिक करा.

पहाटच्या या समयी

2009-10-22T02:20:00.000-07:00

a
उष:काल वर्णन. मी चाल सुचवली आहे. स्वत: गाऊन आनंद घ्या. चाल ऐकून एखाद्या रागाची आठवण आली असेल तर त्याला आळवा.

जोगवा सैनिकाचा

2009-09-29T06:18:00.000-07:00

चाल समजली की तुम्ही गायचं आहे, बरं का!

जंगल जंगल......फिरू खूप जंगल Jungle Song

2009-09-08T04:40:00.000-07:00

चला मंडळी, जंगल सफारीला जाऊ या. तुमच्या लक्षात आहे ना, माझी गीते तुम्ही स्वत: गायची असतात. माझ्या आवाजात मी फक्त चाल सुचवित असतो. खाली दिलेली गाणी तुम्ही गायली नसतील तर त्यांचा येथेच शोध घ्या: वांग नको गं आई, गणिताचा गुरुमंत्र, युरेका, प्रणिजगत, दिपवाली साजरी करू या, दसरा, पतंग उडवू पतंग.

माझं वय सहासष्ट

2009-08-07T02:55:00.000-07:00

तरूण म्हातारा होतो; शरीराने! म्हातारा तरूण होतो मनाने!मराठी कविता व्हिडिओ फ़ॉर्मेटमध्ये

धूम धडाका Dhoom Dhadaakaa Marathi Poetry

2009-07-31T02:16:00.000-07:00

विवाह सोहळ्याचे वर्णन करणारे गीत. या गीताचा आनंद आपण हे गीत प्रत्यक्ष गाऊन घ्यावा म्हणून व्हिडिओ फ़ॉर्मेटमध्ये हे गीत सादर केले जात आहे. यात मी चाल सुचविणार आहे ती समजली की आपण गायला लागायचं आहे.

श्रावण मासी बहार आणे

2009-07-17T06:16:00.000-07:00

आषाढी अमावस्येला दीप-पूजन झाल्यावर श्रावण महिना आणि ओघानेच आलेला वर्षा ऋतू सुरु होतो. नाग पंचमी, रक्षाबंधन करत पोळ्याला श्रावण संपतो. शीत प्रदेशात भयंकर थंडीनंतर आलेला वसंत, ऋतूराजाचा मान मिळवून जातो. महाराष्ट्राच्या हवामानात हाच मान वर्षा ऋतूचा आहे. पावसाने करडी आणि ऒसाड दिसणारी महाराष्ट्र भूमी प्रथम हिरवी गार होते व मग रंगीबेरंगी फुलांनी नटते. हे गीत तुम्ही गायचे आहे. मी फक्त चाल सुचवतो आहे

गणिताचा गुरुमंत्र

2009-07-03T22:21:00.000-07:00

The Marathi language song attempts to remove fear of maths from the minds of school going children. The song can be performed at school gatherings by children.

आ ऽ ली जल्लोषात वरात Aalee Jalloshaata Waraata

2009-06-03T01:21:00.000-07:00

A Marathi language post wedding song. "Waraata" is a Marathi word for Post-Wedding Procession wherein the Groom takes the bride home ceremoniously. The song tries to depict the spirit of the momentous occasion.

गृहप्रवेश गीत

2009-04-20T03:04:00.000-07:00

A Marathi language post-wedding song to welcome the bride.

वऱ्हाड आलं हो वऱ्हाड

2009-03-28T00:07:00.000-07:00

विवाह पूर्वसंध्या गीत. लग्नाच्या आदल्या दिवशी वाङनिश्चय आणि सीमंतपूजन होते. या कार्यक्रमांच्या मध्ये दोन्ही पक्षांच्या नातेवाईकांच्या भेटी घडवून आणल्या जातात. या तीनही प्रसंगांना गुंफून हे गीत रचलेले आहे. मी याला दिलेली चाल तुम्ही पटकन ऒळखाल. ’त्या’ गाण्याचे काराओके करून हे गीत म्हणून पहा, खूप मजा येईल.

देवनागरीत विचार मांडा!

2009-03-22T10:28:00.000-07:00

अर्थपूर्ण आवाजाला भाषा म्हणतात. भाषा बोलली आणि ऐकली जाते. भाषेला लिपीने आकृतीबद्ध केले. आपण मराठी भाषेत बोलतो आणि देवनागरी लिपीमध्ये लिहितो. तांत्रिक दृष्ट्या मराठी आपली बोलीभाषा आणि देवनागरी ही आपली लेखीभाषा. हिंदी आणि संस्कृत या बोलीभाषांची लेखीभाषा देवनागरीच आहे.
बोलीभाषेसाठी बोलायला तोंड आणि ऐकायला कान ही दोन इंद्रिये लागतात. लेखी भाषेसाठी वाचायला डोळे आणि लिहायला हात ही दोन इंद्रिये लागतात. जन्मानंतर मूल आवाजापासून सुरुवात करून बोलीभाषेपर्यंत अनुभव घेत घेत मजल मारते. शुद्ध भाषा ऐकायला मिळाली तर मूल शुद्ध बोलू लागते. लेखीभाषा शिकण्यासाठी शास्त्रशुद्ध शिक्षण घ्यावे लागते. सर्वसाधारणपणे हे शिक्षण शाळांमधून मिळते. हे शिक्षण दोन प्रकारचे असते, डोळ्यांनी अक्षरओळख शिकावी लागते आणि हाताने ते अक्षर गिरवायला शिकावे लागते. व्याकरण आणि शब्दसंग्रह या दोन गोष्टी भाषेवर प्रभुत्व मिळविण्यासाठी अत्यावश्यक आहे.
मराठी भाषिक व्यक्तीला बोलीभाषा आणि लेखीभाषा, दोन्हींचे, बऱ्यापैकी ज्ञान शाळेमध्ये मिळते. पण आजकाल कॉलेजमध्ये गेल्यावर बोलीभाषा मराठीच राहते, मात्र लेखीभाषा इंग्रजी होते. संगणक आल्यापासून भाषा लिहिण्यासाठी अक्षरे गिरविण्याची आवश्यकता राहिलेली नही. सर्वसाधारणपणे संगणकात रोमन लिपीचा की-बोर्ड असतो. त्यामुळे संगणकावर इंग्लीश भाषा लिहिणे सोपे जाते. काही वर्षात अशा मराठी व्यक्तींना मराठीत हाताने लिहिता येत असले तरी देवनागरीचा स्टॅडर्ड फ़ॉंट नसल्यामुळे स्टॅडर्ड की-बोर्ड नाही म्हणून संगणकावर देवनागरीमध्ये लिहिता येत नाही.
दररोजच्या कामासाठी देवनागरीत लिहिण्याची जरूरत नसल्यामुळे अशा मराठी व्यक्तींना देवनागरीत लिहायला प्रवृत्त कसे करायचे , हा एक गहन प्रष्न होता. पण त्रांसलिटरेशन टूल आल्यामुळे हे काम सोपे झाले आहे. मराठीचे इनपुट रोमन लिपीमध्ये या टूलच्या साह्याने संगणकात टाकले की त्याचे आऊटपुट देवनागरीमध्ये मिळते. ते आऊटपुट कॉपी/स्पेशल कॉपी करून साध्या देवनागरीमध्ये/युनीकोडमध्ये कन्व्हर्ट होते. युनीकोडमधले देवनागरीचे आऊटपुट इंटरनेटवरही वापरता येते.
सध्या खूप साऱ्या मराठी भाषिकांना इंटरनेटवर देवनागरीत आपले विचार मांडता येत नाही, ही वस्तुस्थिती बदलण्यासाठी या ट्रांसलिटरेशन टूलचा प्रचार करणे जरूरीचे झाले आहे.
इंटरनेटवर तर हे खूप सोपे आहे. हे टूल मिळविण्यासाठी सर्च इंजिन वपरायचे आहे. बस्स! तसे पाहिले तर भारतात इंटरनेट सर्व्हिस प्रोव्हायडर ई-मेलसाठी हे टूल देत आहेत. निदान ई-मेल तरी देवनागरीमध्ये करता येते, हे इंटरनेटवरच्या मराठी नेटिझन्सना लक्षात आणून दिले पाहिजे. पण हे टूल वापरण्यासाथी इंटरनेटवर असणे आवश्यक आहे. इंटरनेटवर असे टूल मोफत मिळते. ते डाऊनलोड करून घेतले की केव्हांही वापरता येते. इंटर्नेटवर देवनागरीत ब्लॉगईंगसाठी तर हे खूपच कामी येते.
संगणकावर आणि इंटरनेटवर देवनागरीचा उपयोग वाढविण्यासाठी प्रत्येक मराठी माणसाने आपल्या आप्तस्वकीयांचे मन वळवायला पाहिजे.

न्युझीलॅंडमध्ये जय हो!

2009-03-20T23:37:00.000-07:00

जय हो! न्युझीलॅंड विरुद्ध भारतीय क्रिकेटरांनी खूपच छान प्रदर्शन केले आहे-तेही फ़ास्ट पिचवर. तेंडुलकरने तर कमाल केली. बेचाळीस टेस्ट शतके म्हणजे जोक नाही. या विजयावर फक्त जल्लोष करून विसरून जायचेनाही. अशा विजयांतून प्रेरणा घेऊन स्वत:ही काही तरी करण्याचे ध्येय स्वत:समोर ठेवायला पाहिजे. या निवडणुकीत तरुण मंडळी काय करतात या कडे देशाचे लक्ष आहे.

सुवासिक मंगलाष्टक

2009-03-18T20:28:00.000-07:00

फुलांत गुंफलेले मंगलाष्टक

विवाह आमंत्रणाची अर्वाचीन पद्धत

2009-03-16T03:47:00.000-07:00

इंटरनेटची स्पीड वाढली आहे. आता आपण मोठ्या साईझच्या फ़ाईल अपलोड करू शकतो. पत्रिका छापायची व मग ती स्कॅन करून ई-मेलने पाठविली म्हणजे तांत्रिकदृष्ट्या ई-पत्रिका होते पण त्यात अर्वाचीन तंत्रद्न्यानचा नगण्य वापर आहे. ऑडिओ-व्हिडिओ विवाह आमंत्रण पत्रिका ही काळाची गरज आहे. अर्वाचीन आमंत्रण पत्रिकेचा एक नमुना आपल्यापुढे सादर करीत आहे.

सुमधुर मंगलाष्टक

2009-03-08T01:40:00.001-08:00

फळांची नावे गुंफून केलेले हे मंगलाष्टक आहे.

मराठी बालगीत. युरेका

2009-02-22T21:58:00.000-08:00

एक हलके-फुलके बाल / किशोर गीत. मुलांमध्ये सायंसची रुची निर्माण करण्याचा एक प्रयत्न. त्या शिवाय मुलांच्या सृजनतेला पालकांनीही जोपासायला पाहिजे याची जाणीव करून देण्याचा प्रयत्न आहे.

त्या इंद्रधनुष्यावरुनी

2009-02-03T08:31:00.000-08:00

"त्या इंद्रधनुष्यावरुनी" या माझ्या गीताची चाल ऐकल्यावर तुम्हाला एका प्रसिद्ध मराठी गाण्याची आठवण झाली तर नवल नाही. ते गाणे ऐकत असतांनाच ही गीत निर्मिती झाली आहे. संगितकार अशोक पत्की यांनी त्यांनीच रचलेल्या गीतावर काय अप्रतीम चाल लावली आहे! अशोक पत्की यांच्या या गाण्याने माझी सॄजनशीलता जागॄत केली. तेव्हां हे गीत त्यांनाच समर्पित करीत आहे.

पतंग उडवू पतंग

2009-01-07T23:54:00.000-08:00

This Marathi song commemorates the spirit of Makar Sankranta when young as well as the old indulge in daylong kite flying.

आयसिंग ऑन द केक

2008-12-08T19:28:00.000-08:00

ब्लॉग म्हणून ई-कथा किंवा व्हिडिओ-कथा कबूल होईल का?, हे पाहण्यासाठी ही कथा अपलोड केली आहे. एक कर्तबगार आई स्वत:च्या मुलाच्या सर्वांगिण वाढीसाठी त्याला कसे वाढवते, हे या कथेमध्ये दाखविले आहे.

बालदिवस भेट: प्राणिजगत

2008-11-12T06:02:00.000-08:00

Making of a Fighter Pilot

2008-10-22T03:25:00.000-07:00

Making of a Fighter Pilot
Human endeavour to haness nature’s might has taken tremendous strides forward during the twentieth century, particularly in the field of aviation. The maiden flight of Wright brothers was the harbinger of the spectacular progress in development of aerospace power. What started as a humble curiosity of man to soar in the sky like a bird has now turned into a scientific fantasy to search for an alien life system.
Use of aeroplane, howerver, started modestly. Patented idea of the pigeons to carry mail was hijacked by man without paying any royalty. Bird’s eyeview provided an opportunity to spy on enemy who had to be denied similar rights. Early aircraft carried a rifle-toting shooter to keep airborne spies at bay. The concept of a fighter aircraft took roots in this manner. Concept of extending the arm of artillery by using aeroplanes to carry heavy explosive charges at long ranges similarly gave birth to bomber aircraft.
In early days bombers could attack targets without being detected. There were no radars then. Fighter aircraft could at best engage the bombers only after they inflicted damage. Deployment of mobile observation posts on borders, aided by telecommunication network, removed element of surprise enjoyed by bombers to some extent. Fighter aircraft could now challenge the bombers. Soon bombers had perforce to be escorted by fighter aircraft. This practice led to a direct confrontation between fighters of two adversaries. This, one to one, battle of supremacy is called, rather crudely but appropriately, ‘dog-fight’.
Newton’s third law of motion is valid in other sphere too. If birth of a fighter aircraft was the result of reaction to the use of aeroplane as a bomber then the concept of escort fighters was also a reaction to the threat posed by fighters to the bombers. The ‘dog-fight’ resulted in a chain reaction that generated a race to produce better and even better fighter aircraft. Darwin’s principle of survival of the fittestwas valid in this race too. Aircraft with better manoeuvrability prevailed in the ultimate analysis. The battle for air superiority, waged over drawing boards of aircraft designers, was a continuous process. Balance of air power changed hands with every new fighter aircraft rolling out of a factory.
In post-independence era, India had Vampires and Gnats. Pakistsni answer was in the form of F-86 Sabres and F-104 Star fighters. India countered by introducing MIG-21 aircraft. American magnificancs in in supplying F-16 fighters to Pakistan forced India to purchase MIG-29 ang Mirage-2000 fighter aircraft, having state-of-the-art avionics and weaponry, albeit at considerable expense, in order to tilt the scale slightly in favour.
It is, however, the man behind machine, the fighter pilot, who has to fight the tactical air battles with whatever aircraft available when war brewaks out. Aircraft designers already draw Battle lines for fighter pilots. It is now a war of wits and skills between rival fighter pilots. No quarter is asked for and none is given.
During his peacetime training, a fighter pilot has to acquire knowledge of entire flight envelope of not only of his own aircraft but also of all the likely fighter aircraft of enemy. Flight envelope, to put it simply, gives upper and lower limits of various parameters under different flying conditions. Stability of an aircraft and strength of its airframe structure determine the flight envelope of an aircraft.
Aircraft goes out of control if certain flying parameter limits are crossed. Exceeding some parameters may result in disintegration of aircraft structure. All aircraft, other than fighter aircraft, are flown at optimum flying parameters, which are well within their flight envelope. Fighter pilot, on the other hand, has to be proficient in flying his aircraft in the perpheral region of the flight envelope too.
A fighter pilot, who appreciates both, positive and negative flying characteristics, of both, of his own and that of his adversary, and then orchestrates flying manoeuvres in such a way as to make the adversary dance to his tune always returns home for that exhilerating victory roll again and again. Though odds are always in favour of aircraft with better manoeuvrabilty, the pilot who has honed his technical appreciation and practcal-flying skills during peacetime exercises in simulators and during actual flying almost always decides final outcome.
No amount of artisan skill turns coal into a diamond. Selection of candidates for filling cockpits of fighter aircraft marks the first step towards winning the ‘dogfight’. Candidates are selected for flying branch of Air Force primarily for flying fighters. Time-tested selection process ensures right material fkr the purpose.
It is, however, during basic and intermediate stages of flying training that the intrinsic qualities of a pilot are revealed for first time. Those who reach advanced stage receive training in flying aircraft in the sensitive peripheral region of aircraft’s flight envelope. It is very important that flight envelope of advanced trainer aircraft bears a reasonable resemblance to the flight envelope of front-line fighter aircraft in the fleet. The long-outstanding demand of Indian Air Force for a latest advanced jet trainer needs to be seen in this context.
Lacunae left in the training of a fighter pilot due to qualitative shortcomings of advanced trainer aircraft cannot be made good subsequently. Conversion training, as the name suggests, imparted on front-line fighter aircraft after commissioning of a fighter pilot is meant primarily for familiarisation with cockpit layout, avionics, flying characteristics etc. There is no scope for teaching rudimentary fighter flying techniques during type-conversion training. Once a fighter pilot earns ‘wings’ after passing out of advanced flying training institutes, he is on an Autopilot. Only trimmers can be used to correct minor aberrations once he enters squadron service.
Fighter flying is in a inique class of its own. To put crudely, it involves throwing about aircraft. All other flying, be it ina civilian airliner or in a bomber, is smooth straight and level affair. Personality of a fighter pilot has perforce to be volatile in character. In cricketing terms a century in sixty odd balls by Azaruddin in a one-day match could be called a fighter’s knock. On the other hand record-breaking knock of Lara in Test match could be compared with carpet-bombing of a bomber.
A fighter pilot, after waiting for hours on Operational Readyness Platform for ‘scramble’ is expected to get get into action in a trice much the same way Tendulkar is expected to get going in the fortyfifth over of a limted overs match, without the luxury of settling down. This rapid-fire abilty to get into top gear in no time is the hallmark of a fighter pilot.
A laman’s acquantance with flghter pilot is through aerobatic teams like Thunderbolts. Breath-taking manoeuvres by a solo aircraft or a formation of aircraft display high calibre skill of a fighter pilots to assure people at large that nation’s air-defence was in capable hands. But fighter flying is not just acrobatics in air. It’a similarity to stuntman’s motorcycle ride in the ‘death-well’ is misleading.
Aerobatics are just the means of out-manoeuvring adversary to bring him within one’s firing range. Algebraic sum of manoeuvres of both aircraft decides the result of a ‘dog-fight’. There is an optimum sumfor both aircraft. One who reaches his optimum first carries the day.
Flying in itself is a thrilling experience. Pilotting an aircraft is more so. Fighter flying is, however, much more than pilotting an aircraft. It is not every pilot’s cup of tea. To be an ace flghter pilot requires a rare combination of special personal attributes.
Adventurous spirit, killer instinct, neve-say-die attitude, scietific temper, sharp grasping power, analytical mind endoed with robust health to withstand extreme stresses go into making of a fighter pilot.

Retirement Is Such Fun!

2008-10-22T03:10:00.000-07:00

Retirement Is Such Fun!
Retirement is fun. This realisation dawned on me the day results of Class XII were announced. Retired persons (RPs) are so much better off than these hapless youngsters who have very little choice of action after their result. Percentage dictates their choice. If it is 99% 5hen it’s got to be Computer Science; Iif it is 98% then Mechanical; if marks are 96% then elactrical is the field choose. If they dare to make any other choice people start looking at them with ‘What’s wrong with you?’ written large on their ‘we know all’ faces.
Below 93% and this jigsaw piece does not fit into medical entrance puzzle. It’s so much easier for an RP to get tooth extracted in a dental college than the ordeal a class XII pass student has to go through to get admitted in it.
An RP, on the other hand, has no such things to worry about. Whatever marks one might have scored when in service; one gets 007’s licence to lambaste the likes of Gandhi, Ambedkar, Nehru, et al.
If one’s blood pressure does not permit one to climb the height of these stalwarts, there are lesser mortals to practice target shooting on the likes of Manmohan Singh, Chidambaram and Sinha. One’s choice of punching bag is limited only by one’s colour blindedness. Beiing in Nagpur, I am blind to all colours except ORANGE. One may solve crosswords with the aplomb of Sherlock Holmes, taking oneself to Everestian heights of intellectual snobbery.
If one is committed to bringing sanity to this messy world of ours, one may consider adding humour to drab pages of a newspaper. If one has been a loyal reader of a ‘paper’ for donkeys years and has been enamoured by ‘fearless, rational and incisive’ editorials hen one might get a couch to plonk upon right next to the editor. Using various pseudonyms one could emulate the likes of Nayars, Kamata by providing dashing off to the paper instant solutions o vexing problems facing he country with the ease of a magician, and more importantly, without worrying the consequences of solutions so provided.
I always wondered as to what would have ben the fate of children of these stalwarts if their wisdom were directed toward their homes. Contemplating on such isues after reading/listening to letters, news reports, interviews, articles and editorials, is also a good pastime.
Social service is a very popular pastime among us RPs. One ca command mastery ove it if one understands the underlying philosophy. Do anything; but find a catchy title for it; Say, Nagpur Chapter of Strategic Arms Limitations Talk. A press release at the time of launching is mandatory; holding of launching function is optional, however. Under the aegis of this banner one may pay other people’s bills (with their money of course) and run from pillar to post in the corridors/lanes of Municiple Corporation to solve other people’s water/sewage problems (and practise the art of apologising on behalf of the corporation.). Soon one would have no time and energy to think about one’s own problem. It is one sure way of ensuring fair attendance at one’s funeral. Empty mind is devil’s workshop, so goes the saying. What better site could a devil ever get than that of seasoned head of an RP?
Fear breeds unity that is strength. So goes not a very well known saying. Now having read the saying, one might as well follow it to create a cult of one’s own. Think of a threat to one’s neighbourhood / city / country or world, for that matter. After that there would be so much to do that retirement would no more be a boring proposition. But do it sincerely; one might end up annointing oneself as the saviour of the world, Vishwa Mitra.
Many of us RPs, however, find ourselves in the position of a thirsty person in the middle of an ocean, Water, water a drop to drink. Optios, options everywhere but unable to pick an option. Why couldn’t God give us a pre-ordained pastime for our retirement? It’s not his fault.
God just does not know the problems of RPs. We just don’t let him retire. Without having an experience of retired life, how can He manage, administer the huge empire of RPs? (That’s how Gawaskar argues in relation to lack of cricket playing experience among BCCI finctionaries.)

टण टणा टण---- (Tan Tanaa Tan)

2008-10-06T20:38:00.000-07:00

टण टणा टण, टण टणा टण
(या गाण्याच्या चालीसाठी य़ेथे क्लिक करा.)
टण टणा टण, टण टणा टण
टण टणा वाजे शाळेची घंटा ॥धृ॥
अभ्यासाची नही खंता
परिक्षेची संपली चिंता
डोक्यामधला सुटला गुंता ॥१॥
उन्हाळ्याच्या आल्या सुट्ट्या
आमरसाच्या भरल्या वाट्या
पापड करता खाऊ लाट्या ॥२॥
रोज सकाळी विटीदांडू
संध्याकाळी क्रिकेट चेंडू
थोडे खेळू थोडे भांडू ॥३॥
उन्हावेळी कॅरम गोट्या
खेळू आपण सागर गोट्या
चंदू, चिंगी आणि गोट्या ॥४॥

Waanga Nako Ga Aaee

2008-10-03T00:16:00.000-07:00

वांगं नको गं आई
(या गाण्याच्या चालीसाठी य़ेथे क्लिक करा.)
मुलगा/ वांगं नको गं आई, मला वांगं नको गं आई ।
मुलगी कारलं कडू न खाई, मी कारलं कडू न खाई ॥धृ॥
आई भाज्या खाऊन मोट्ठा होशील । तू मावळा शिवबाचा होशील
मुलगा/ जर लोणच्याने माझे भागते । तर भाज्यांची नावं का सांगते?
मुलगी तूप साखर पोळी मला चालते । तर पाठीमागे का तू लागते?
आई होस्टेल राहण्याची वेळ जेव्हां येते । तेव्हां आईची शिकवण तारते ।
मुलगा/ ती गवार तुरट खारी । दुध्या लागतो पांचट भारी ।
मुलगी नुस्ता बटाटा खाऊन राहीन । कधी मधी फ़्लॉवर मी खाईन ।
मेथीची शाही भाजी । थोडा खाण्यास होईन राजी।
आई साऱ्या भाज्या जर तू खाशील । साऱ्या ठिकाणी बाजी तूं मारशील ।
हिरव्या भाज्यांचे लोखंड शोषशील । खूप दूरचे डोळ्याने पाहशील ।
बाजी मारून राव तूं होशील । लोखंडी चणे तूं चावशील ।
मुलगा/ भाज्यांची मोट्ठी स्वारी । झाली माझ्यावरती भारी ।
मुलगी आवडी निवडीचा बाऊ घरी । नाही करायचा कुठे तरी ।
भाज्या खाईन गं मी आई । तुझं ऐकणार कसं मी नाही ।